ዓስቢ መስዋእቲ ህዝቢ ትግራይ 

ናይ ሚኒስተራት ሽመት ምርካብ ኣይኮነን!! 

 

ሀ – ሹመት፣ ትግራይን ተፃባእታን 

 

ኣብዚ  ዛዚምናዮ  ዘለና  ወርሒ  ሓዱሽ  ሽመት  ካቢኔ  ሚኒስትራት 

ተሰይሙ። እቲ ዝበዝሐ ናይ ትምህርቲ ዓቕሚን ብሄራዊ ተዋፅኦን ኣብ ግምት 

ዘእተወ  ይመስል።  ብርግጽ  ሊቃውንቲ  ትግራይ  ኣብ  ዓይኒ  መረፃ  ዝኣተዉ 

ኣይመስልን።  ደሓን  እዚ  ዝፍለጡ  ውሽጣዊን  ግዳማዊን  ምኽንያታት  ኣለዎ። 

ይኹን  እምበር  ሀዚ‘ውን  ብስልጣን  ዓብላልነት  ምኽንያት  ኣብ  ልዕሊ  ህዝቢ 

ትግራይ ዝንዛሕ ናይ ጸለመ ወፍሪ ጠጠው ክብል እዩ ዝብል እምነት የብለይን።  

 

 እዚ ኣብ ልዕሊ ህዝቢ ትግራይ ብሓይሊታት ትምክሕቲ ዝደጋገም ኣብ 

ማእኸላይ  መንግስትን  ማእኸል  ሃገርን  ባዶ  ሰብ  እስካብ  ዝተርፈና  ትግረዋይ 

ዓብሊሉና 

፤  ትግረዋይ  በይኑ  ሃፍቲሙ፤  ትግረዋይ  ፀቢብ  ወዘተ  ...ዝብል  ሓሳብ 

ብዘለዎም  ብኣፃብዕቲ  ዝቑፀሩ  ሰባት  ክደጋግምዎ  ይስማዕ  'ዩ።  ብናተይ  እምነት 

እዚኣቶም    ህወሓትን  ህዝቢ  ትግራይን  እንታይነቶም  መምዩ  ክርኢ  ዘይካኣለ  መነፅር 

ሕልና ዝተዓደሉ 'ዮም ።  

ህዝቢ  ትግራይ፣  ሕልሙን  ድሌቱን  ኣብ  ማዕርነት  ህዝብታት  ዝኣመነ  ወለዶ 

ንክፍጠር ዝተሓተቶ ትውፊት ዝከፈለ ጥራሕ ዘይኮነስ፣ ነቲ ታሪኻውን ሱር ዝሰደደን 

ትምክሕቲ    ውን  እንተኾነ  ኣበርዒኑ  ዝቐበረን  ፣ንቕሪት  ናይ'ዚ  ተርእዮ  ዳግማይ 

ህይወት  ንከይዘርእ  ምክልኻል፣  ኢትዮጵያዊ  ኣተሓሳስብ  ንክኾን  ታርኡ  ዝተፃወተን 

ዝፃወትን ዘሎ ህዝቢ ከም ዝኾነ ዝዝንጋዕ ኣይኮነን ።   

እንተ እቲ ብሓይልታት ትምክሕቲ ህዝቢ ትግራይን  እዚ ስርዓትን ሓደ 'ዮም 

ዝብል  ፍረጃ    በቲ  ናቶም    እምነት  ህዝቢ  ትግራይ  ካብ  ካልኦት  ኣሓቱ  ህዝብታት 
ፅልኢት  ክሓድሮ  ጌርካ  ብምንፃል 

እዛ  ሃገር  ናብ  ድሌቶም  ክዝውሩዋ  ዝኽእልሉ 

ባይታ ዝፍጠር እዩ ዝመስሎም። ግን ከንቱ ኣተሓሳስባ እዩ፡ ፍፅም  ምስ ድሌት 

ህዝቢ  ኢትዮጵያ  ዝሰማማዕ  ዘይኮነ  ኣተሓሳስባ።  ካሊእስ  ይትረፍ  እቲ  ካብ 

ወረቐት ዘይሓልፍ ሕገ መንግስቲ ናይ እዚ ስርዓት ‘ውን እንተኾነ ነዚ ዘፍቅድ 

ኮይኑ ኣይተቐርፀን። 

ምኽንያት  ግና  ኣለዎ  ።  ንፅቡቕ  ስለዝሓሰበ  ዘይኮነስ  ንዘይ  ፅቡቕ 

ዘሰጉመሉ  ፊት  ንፊት  በዚ  ገጢሙ  ክኾነሉ  ዘይኽእል  ምዃኑ  ስለ  ዝኣመነ 

ጥራሕ'ዩ።  እዚ  'ውን  ካብ'ዚ  ዝፍለ  ኣይኮነን።  በቲ  በለ  በቲ    ብድላዩ  መልክዕ 

ይምፃእ  ህዝቢ  ትግራይ፣  ሃገርና  ኢትዮጵያ  ከም  ሃገር  ሃገራዊ  ክብሪ  ክትጎናፀፍ 

ዝገብሮ  ቃልሲ  'ቲ  ዘየቋርፅ  መስመር  ህዝባውነቱ  እዩ።    ናይዚ  መርኣያ  ድማ 

 

ህዝብ  ትግራይ  ነዊሕ  ከይከድና  እዚ  ኣብ  ናይ  ቀረባ  ርሑቕ  ዝፈፀሞ  ታሪኻዊ 

ታሪኽ ንመላእ ህዝቢ ኢትዮጵያ ካብ ዘለዎ ክብሪ ዝምንጩ''ዩ።  

ሐዚ 'ውን እዚ ከም ዘለዎ እዩ ዘሎ። ብናይ ውሑዳት ቁፅሪ ተዛረብቲ እዚ 

ቋንቋ  ዝፍፀም  ሕማቕ  ተግባር  ዝብረዝ  ኣይኮነን።  እዚ  ነዚ  ህዝቢ  ጓናኡ  እዩ። 

እቲ ሓቂ እዚ እናሃለወ ነዚ ዘቆናፅብ ግና ሕልፊ ናይ'ዚ ሰናይ ተግባር ንክፍፅም 

ዝምለስ  በይናዊ  ገዛዕዮ  ስለዘለዎ  ዘይኮነስ  ካብ  ምንቡሃቕ  ዘይሓልፍ  ኣብ  ነበረ 

ዘብቀዐ ሕቡእ ኣጀንዳ ሒዙ ዘይፍትሓዊ መንገዲ ዝመረፀ'ዩ።  

ኣይኮነን  ግና  ነዚ  ተግባር  ተመንዪ  ፅቡቕ  ዝኾነ  ኢትዮጵያዊ    ካሊእ 

ዓይነት  መልክዕ  ዘውፀአሉ  ኣይኮነን  ።  ሕሉፍ  ዘበገሶ  ናይ  ለውጢ  ቃልሲ  ከም 

ዝሓሰቦ  ዘይምኻዱ  ግና  ከም  ማንም  ኢትዮጵያዊ  ዜጋ  ተጠቃዒ  ኣብ  ርእሲ 

ምዃኑ ሓለፋ ሽመቱ ነዚ በዚ ኣመላኻኽታ ክሕመ ምብቅዑ ጥራሕ ዩ። ተወሳኺ 

ክስገር ዘለዎ ቃልሲ ድማ እዩ ንህዝቢ ትግራይ።  

  

 

ለ – ናይ ሚኒስትርነት ሹመት ዶ ወይስ ልምዓት? 

 

 

እዞም  ብኣፃብዕቲ  ዝቑፀሩ  ኣብ  ማእኸላይ  መንግስቲ  ኣብ  ሚኒስትርነት 

ሽመት ተረቁሖም ዝርከቡ ኣብቲ ሙስሉይ ሃገራዊ ናይ ልምዓት መደባትን ናይ 

ወጻኢ  ርክባትን  ኣብ  ዝግበር  ምንቅስቓስ  ናይ  ባዕሎም  እጃም  ዝህልዎም  እኳ 

እንተኾነ  ከም  ክልል  ግን  ዝርከብ  ረብሓ  የለን፣  ኣይህልውን‘ውን።  እስካብ  ህዚ 

ከም ዝረኣናዮ ኣይኮነን ብሚኒስትርነት ንመላእ ሃገር ከገልግሉ ተሸይሞምስ እታ 

ንህዝቢ  ትግራይ  ከገልግሉላ  ቃለ  መሓላ  ፈጺሞም  ናብ  ቤት  ምኽሪ  (ፓርላማ) 

ዘእተወቶም ካርዲ እውን ብዝግባእ ኣይተጠቐሙላን።  

 

ኣብ  ሓሙሽተ  ዓመት  ደጊሞም  ክምረጹ  ዝምለሱዎ  ተዘይኮይኑ  በቲ  ሕገ 

መንግስቲ  ዝእዝዞ  በቢእዋኑ  ናብቲ  ዝመረጾም  ህዝቢ  ከይዶም  ሽግሩ 

ከመያይጥዎን  ክፈትሕሉን  ኣይረኣናን።  እታ  ካርዲ  ኣብ  ቤት  ምኽሪ  ካብ 

ተቓውሞ  ዝመጽእ  ነቐፌታ  ክከላኸሉላ  እምበር  ሽግር  ህዝቦም  ከቃልሑ 

ዝርኣናሉ  ናይ  ቤት  ምኽሪ  ዘተ  የለን።  እዚ  ድማ  ንህዝቢ  ትግራይ  ድርብ 

ክሕደት እዩ፡ 

 

ህዝቢ ወኪሉ ናብ ቤት ምኽሪ ዝልእኸካ ወንበር ንምሟቕ ዘይኮነስ  ኣብ 

ክልላዊን ኣብ ሃገራዊን ቤት ምኽሪ ረብሓ ህዝቢ ክተረጋግፅ እዩ። ኣብ ውሽጢ 

ኢ.ህ.ወ.ዴ.ግን ንኢ.ህ.ወ.ደ.ግ ኣቊመን ዘለዋ ውድባትን ዝርከቡ መርሒነት ነዚ 

ዝተዓደሉ  ኣይኮኑን።  እዚ  ሐዚ  ዝተገበረ  ናይ  ዕምቆት  ተሃድሶ  ብዝብል  ናይ 

 

ሚኒስተርነት  ምሻምን  ምራድን 'ውን  እንተርኢና  ደረጃ  ምዕባለ  ናይቲ  ሕማቕ 

ተግባሮም  ዘንፀባርቕ  ድኣ'በር  ኣብ  ህዝቢ  ዘምፅኦ  ለውጥጢ  ክህሉ  እዩ  ዝብል 

እምነት የብለይን።  

 

ብደረጃ  ምዕባለ  ዝፍጠር  ጭቆና  እንተዝግለፅ  ግና  ንሓቃውነቱ  ቅቡል 

ምገበርክዎ።  ምኽንያቱ  እቲ  ቅብብል  ዝፀንሐ  'ዩ።  ዘይፀንሐ  ፍፃመ  ዝተፈፀመ 

የለን።  ካብ'ዚ  ተበጊሱ  ዝመፀ  ፍታሕ  'ውን  የለን።  ኣብ  ድኤታን  ካሊእን 

መሓውራት ዝነበሩ እዮም ሐዚ 'ውን እቲ ስርዓት ሽመት ሚኒስተርነት ሂቡ ነቲ 

ዝነበረ ጌጋታት ተፈወሰ ሕማም ኣምሲሉ ዝገልፆ ዘሎ፣፣ ፅቡቕ ዝተሓርሞ ኣብ 

ልዕሊኡ  ብዝደጋገም  ሽግር  ብዓል  ተሞኩሮ  ህዝቢ  ምኳኑ  ምዝንጋዖም 

ከይገረመኒ ኣይተረፈን ። 

ወይ  ጉሩም  ዘይኩሩምትኻስያ  ሑፃ  እንተትቆርጥመሉ  እኮ  እዩ።  ብዝኾነ 

ነዚ  ገጂፍ  ዜሮ  ኢ.ህ.ወ.ደ.ግ  ኣወንዚፈ  ብጨረፍታ  እዞም  ንሕሜታ  ዘብቅዑና 

ተዛረብቲ  ትግሪኛ  ንህዝቢ  ትግራይ  ዘለዎም  ፋይዳን  ፤  ህዝቢ  ትግራይ  ኣብ 

ሊዕሊ እዞም ሰባት ዘለዎ እምነት  ምስ እንርኢ  ከምቲ ናይ ህዝቢ እምባስነይቲ 

ዝገበሮ  ውክልናና  ኣልዒልና  እና  ዝበልሉ  እዩ  ዘሎ።  ወዮ  ዘልዐለሉ  ድኣ  የለን 

እምበር።  “ሎሚ  ኣይንገብር  ጽባሕ  ኣይንገብር፣  ንሕና  ኢና  መራሕቲ፣  ንሕና 

ኢና  ንውስን”  ዝብል  ሕገ  መንግስቲ  ዝጥሕስን  ንዕቐት  ዝመልኦን  መልሲ 

ተዋሂቡዎምስ  ህዝቢ  ብድሌቱ  ውክልንኦም  ዝመንጠሎም  ሰባት  ክውክሉዎ 

ተገይሩ ይቕጽል ኣሎ። ኣዚዩ ዘፍርሕ ዝንባለ!  

 

ሐ – ክኸውን ዘለዎ 

 

እዚ  ብሃገር  ደርጃ  ተወሲዱ  ዘሎ  ስጉምቲ  ንህዝቢ  ፀገሙ  ዝፈትሕ  እዩ 

ኢልካ  ክግለፅ  ዝኽእል  ካብ  ብናይ  ድግሪ  ኣለሻ  እናበልዐ  ዘብልዕ  ዝነበረ  ሰብ 

ምሻም  ወፃኢ  ኣብ  ቅንዕና  ተሞርኪስካ  ብዓቕሚን  ብናይ  ሕሉፍ  ስራሕ 

ውፅኢትን  ንህዝቡ  ብዘለዎ  ህዝባውነት  ተመዚኑ  እንተዝሽየም  ፤  ኣብ  ክልል 

ይኹን ኣብ ሃገር ውፂታዊ ስራሕ ምራኣና።  

 

ውጺኢታዊ  ስራሕ  ክንብል  ከለና  ድማ  ከምቲ  እስካብ  ሀዚ  ብካድረታት 

ዓመት ዓመት ዝድርደር ናይ ሓሶት ጸብፃብ ዘይኮነስ ብነፃ ዝኾነ ሙያዊ ኣካል 

ብዝግምገም  ጭቡጥ  ውጺኢት  ክኸውን  ኣለዎ  ማለትና  እዩ።  ብዚ  ኣገባብ 

ዝተሾመ  ሰብ  ድማ  እቲ  ዝተቐመጠ  ሃገራዊ  ልምዓትን  ሽቶን  ከምዘለዎ  ኮይኑ 

እቲ  ዝመርሖ  ቤት  ፅሕፈት  ዝሓዞም  ትልሚታት  ኣብ  እዋኑ  ብምግምጋም 

ክቕጽል ወይ ክወርድ እንተዝግበር ልምዓት ምሰለጠ። 

 

 

ህወሓት ካብ ህዝቢ ትግራይ ወፃኢ ሂወት ዘይብሉ ውድብ ምዃኑ ማንም 

ዝፈልጦ ሓቂ 'ዩ ክባሃል ይስማዕ 'ዩ። እዚ ግን ሓቃውነት ዘየብሉ ጎናናዪ ሓሳብ 

ምበልኩ  ብወገነይ።  ህይወት  ህወሓት  ኮነ  ኣጋር  ውድባት  ኢህወደግ  ኣብ 

ነኒባዕሎም  ተመርኮሰ  ህላወ  እዩ  ዘለዎም።  ካብ  ህዝቢ  ወፃኢ  ይንበር  ዶ 

ኣይንበርን ሓደ ነገር ኮይኑ ሐዚ ኣብ ሃገርና ዘሎ ኩነታት ነዚ እዩ ዘንፀባርቕ። 

ካብ  ብኣፍ  ብተግባር  ተረዲኡን  ውሽጣዊ  ሕማሙ  ብምፍታሕን  ናይ  ዝወከሎ 

ህዝቢ ረብሓ ከረጋግፅ ብዝተዓፃፀፈ ኣገባብ ክሰርሕ ተስፋ ንገብር።  

 

ሎሚ ሚንስትርነት ዘይኮነ ዘድሊየናስ ልምዓት ክልልና ኣቀላጢፉ ህዝብና 

ካብ ድኽነትን፣ ረድኤት እኽሊ፣ ልመናን ስደትን ሓራ ኣውጺኡ ወለዶ ዘድሕን 

ስራሕ  ክስራሕ  ጥራይ  እዩ  ዘድሊ።  ካውኡ  ዘይንእስ  ድማ  ንህዝቢ  ዝሰምዕን 

ተሓታቲነት ዘለዎ ዴምክራሲያዊ ስርዓትን ዝፈጥር መንግስቲ የድሊየና ኣሎ።  

 

ካብ ድኽነት፣ ረድኤት፣ ልመናን ስደትን ናፃ ዝኾነ ህዝቢ ኣብ ዝህልወና፣ 

ብኢዱስትሪ፣  ሕርሻ፣  ብትምህርቲ፣  ሳይንስን  ቴክኖሎጂን  ዝተሃነጸት  ክልል 

እንትንውንን  ንዕዳጋ  እምበር  ንጽልኢን  ዘርኢ  ምጥፋእን ዝመጽአና  ናይ  ደገን 

ውሽጢን  ጸላኢ  ኣይህልወናን።  ብሃገር  ደረጃ  እውን  ከምኡ።  በቲ  በለ  በቲ 

ህዝብና ለውጢ ይደሊ ኣሎ። መሞቲኻ ደኣ ይሎምናታ እምበር ናይ መሪሕነት 

ለውጢስ የድሊ እዩ። ምሕዳስ ማለት ግን ሰብ ምቕያር ጥራይ‘ውን ኣይኮነን። 

 

ብኣመራርሓ  ክእለቶም  ማርሽ  ቐይሮም  ናብ  ዝቕጽል  ብርኪ  ዕቤትን 

ኣተሓሳስብና  ዝወስዱና  መራሕቲ  ማለትና  እዩ።  እቲ  ዘሎ  ወድዓዊ  ኩነታት 

ዝርድኡን ናይ ሓዊ ምጥፋእ ስራሕ ዘይኮነስ ስትራቴጂካዊ ኣተሓሳስባ ዝተዓጠቐ 

መሪሕነት ክመጽእ ምእንቲ መሰረታዊ ለውጢ እዩ ህዝቢ ዝሓትት ዘሎ፡ 

 

ከምቲ  ዝረኣናዮ  ትምክሕተኛታት  ኣብ  ብኣዴን  መሺጉ  ዘሎ  ፅግዕተኛ 

ሓይሊ  ከም  መፈጸሚ  ተጠቒሞም  ህዝብና  ከም  ህዝቢ  ከጥፍኡዎ  (genocide) 

ፈቲኖም እዮም እሞ ድማ ተሓታቲ ኣካል ዘይብሉ! እዚ ከይድገም ብፖለቲካዊ 

መዳይ ተዘይተሰሪሑዎ ብወታደር ሓሊኻ ኣይኸውንን። 

 

 

መ – ኣብ መወዳእታ 

 

ሎሚ‘ውን መመሊስካ ምዝኽኻር ዘድሊዮ ጉዳይ ኣሎ። ኣብ ክልል ይኹን 

ሃገራዊ  ቤት  ምኽሪታት  ተመሪጾም  ዘገልግሉ  ዘለዉ  ዝተኸበሩ  ተመረጽቲ 

ህዝቢ‘ውን እቶም ዝስዕቡ ጉዳያት ቐንዲ ጠመተ ክገብሩሎም ይግባእ:- 

 

 

1. ወግሐ ጸብሐ ገና ብዘይተጨበጠ ዓወት ካብ ምጉያል ኩነታት ትሕተ 

ልምዓት  ክልልና  ተረዲእኻ  ንክልል  ይኹን  ንፌደራል  መንግስቲ  ዝገበአና 

ምሕታት።  ብኣዴን  ኣብ  ኩሉ  መዳይ  ንክልሎም  ኣድላዪ  ዘበለ  ረብሓ  ካብ 

ፌደራል መንግስቲ ንምውሳድ ይቀላጠፉ።  

 

ንኣብነት  ካብ  ሽረ  ናብ  ሑሙራ  ዝዝርጋሕ  መስመር  ባብሩ  ንዛ  ሃገር 

ዝበለጸ ኢኮኖሚያዊ ረብሓ ዘምጽእ እንዳሃለወ ናይ ባቡር ሃዲድ ካብ ባህር ዳር 

ናብ  ፍኖተ  ሰላም  ንኽዝርጋሕ  እንተእምኑ  መመሓደርቲ  ትግራይ  ክሓቱን 

ቕድሚያ ክወሃቦ ዝግብኦ መስመር ከምዝኾነ ብመጽናዕቲ ከረድኡን እናተገብአ 

ኣይተገበረን። ሀዚውን ኣይመስየን። 

 

ብተመሳሳሊ  ህዝቢ  ኣምሓራ  ኣብ  ካልኦት  ክልላት  እንትፈናቐል  እውን 

እስካብ  ፓርላማ  ብምውሳድ  መዛረቢ  ኣጀንዳ  ገይሮምሉ  ፍታሕ  እውን 

ረኺቦምሉ  እዮም።  ህዝቢ  ትግራይ  ካብ  ክልል  ኣምሓራ  እንትስጎግ፣  እንት 

ዝረፍን እንትቕተልን ዘእወየሉ ውድብ፣ መንግስቲ ወይውን ተመራጺ ኣይነበረን 

ተገፊዑ ንዓመታት ርሂጹ ዘፍረዮ ሃፍቲ ተዘሪኡ እናሃለወ ዘራይ ብምስኣኑ ነቢዑ 

እዩ ተሪፉ። 

 

2. ኣብ ገጠራትን ከተማታትን ዘሎ ናይ ማይ ሽግር ድሕሪ 26 ዓመታት 

ክህልው  ዘይነበሮም  ስለዝኾኑ  ቑልጡፍ  ምላሽ  የድሊዮም።  ባጀት  የለን  ዝብል 

መራሒ  እንተሃሊዩ  ዋጋ  ናይተን  ንሰበ  ስልጣን  ዝዕደጋ  ዘለዋ  V-8  መኻይንን 

ኣብ  ካሊእ  ዝግበር  ዘሎ  ብኽነትን  ምስ  ናይ  ማይ  ኣድላይነትን  ቐዳምነትን 

የመዛዝን። 

 

3.  ኣብ  ከተማታትን  ገጠራትን  ዘሎ  ስራሕ  ስእነት  ኣዚዩ  ዘተሓሳስብን 

ሓደገኛን  እዩ።  ኩሉ  ዝጸልመቶ  መንእሰይ  ንኹሉ  ዓይነት  እከይ  ተግባር 

ዝተቓልዐ ስለዝኾነ ብገንኡ ፍታሕ የድሊዮ ኣሎ። 

 

4.  ካብ  ገጠር  ናብ  ከተማን  ናብ  ስደትን  ዝግበር  ዘሎ  ዋሕዚ  መንእሰይ 

ሃገር  ዘፍርስን  ዘጽንትን  እዩ።  በረኻ  ከይዱ  ንሱዳን  ብውሕጅ  ዝኸይድ  ወርቂ 

ዝሓፍስ መንእሰይ ካብ ምእሳር ንርእሱ ስራሕ ስለዝፈጠረ ንኢድካ ሰሪሑ ግብሪ 

ዝኸፍለሉ  ስርዓት  ምምችቻው  ናይ  ለባም  መንግስቲ  ተግባር  እዩ።  ወዮ  ናይ 

ወፃኢ  በዓል  ሃፍቲ  ንኽመጽኡና‘ኳ  ኤምባሲ  ከፊትና  እናለመና  ንውዕል  ኣለና 

ዝባሃል ዘሎ። 

 

 

5. ኣብ ዶብ ኤርትራ ዝርከብ ህዝብና ዘለዎ ኸቢድ ናይ ጸጥታ ሽግርን 

ናይ  ልምዓት  መማረጺ  ዘይምህላውን  ሪኢኻ  ከምዘይረኣኻ፣  ናሰማዕኻ  ከም 

ዘይሰማዕኻ ዝሕለፍ ጉዳይ ኣይኮነን። ትግራይ ናይ መላእ ሃገር ኲናትን ዘሰክፍ 

ናይ  ፀጥታ  ኩነታትን  ተሳኪሚት  ኮይና  ትነብር  ስለዘላ  ፌደራል  መንግስቲ  ንዛ 

ኽልል  ንበይና  ኣሰኪሙዋ  ዘሎ  ዘቐንዙው  ሃገራዊ  ሓላፍነት  ብፂሒቱ  ክወስድ 

ዘይሕተተሉ ፖለቲካዊ ወይ’ውን ሕጋዊ ምኽንያት ኣይረአየናን። 

  

እዚ  ንዝሓለፉ  18  ዓመታት  ኣብ  ክልልና  ዓሪፉ  ዘሎ  ኸቢድ  ተፅዕኖ 

ፌደራል መንግስቲ ብኣግባቡ ክግምግሞን ንቲ ኣብ ዶብ ዝነብር ህዝቢና ግቡእ 

ተወሳኺ  ናይ  ልምዓት  ሓገዝ  ክገብረሉ  ገዛኢ  ውድብ  ክልልናን  ተመረፅቲ 

ሃገራዊ ቤት ምኽሪን ኣብ ኣደባባይ ክሓትቱሉ ይግባእ። ተዘይኮይኑ ዘይንስከፍ 

ዜጋታት ክንሓትት ክንግደድ ኢና። 

 

6. ስእነት ሰናይ ምምሕዳርን ፍትሕን ዘይምህላው ውዒሉ ሓዲሩ ሓደጋ 

ከምዘለዎ  ተረዲእኻ  ዘላቒ  ፍታሕ  ንምሃብ  ምንቅስቓስ  ክግበር  ይግባእ፡  ካብኡ 

ሓሊፉ ህዝቢ ትግራይ ትዕግስቱ ተጸንቂቑ ከም ጋሻ ውሕጅ ጸራሪጉ ከሰናብቶም 

ከም ዝኽእል መራሕቲ ህወሓት ይፈልጡ እኳ እንተኾኑ ክርስዕዎ የብሎምን። 

 

7.  ኣብ  ብኽነት  ንብረትን  ገንዘብን  ህዝቢ  ሱር  ዝሰደደ  ግዕዝይና 

እንዳረኣኻ ተሸፋፊንካ ምኻድ ሃገርን ክልልናን ንሓደጋ ከም ዘቃልዕ ተረዲእኻ 

ተሓታትነት  ክህሉ  ግቡእ  ስራሕ  ምስራሕ።  ኣብ  ክልልና  ዘሎ  ናይ 

ኢንቨስትመንት  ክፍተት፣  ብፍላይ  ድማ  ንደቂ  ዓዲ  ዘተሓሳስብ  ስለዝኾነ  ክዕረ 

ይግበኦ። 

 

8.  መራኸቢ  ሓፋሽ  ንህዝቢ  ውግንና  ዘይምህላወን  ከቢድ  ጸገም  ኮይኑ 

ዝቕጽል  ዘሎ  ጉዳይ  እዩ።  ኣብ  መራኸቢ  ሓፋሽ  ዘሎ  ናይ  ሙያ፣  ስርዓትን 

ነፃነትን  ክፍተት  ሰፊሕ  ኮይኑ  ናይ  ህዝቢ  ሽግርን  ናይ  መንግስቲ  ኣሰራርሓ 

ድኽመት  ኣብ  ምቅላሕ  ኣዚየን  ድኹማት  እየን።  ከምቲ  ኩሉ  ዝፈልጦ 

ሚዲያታትና  ንመንግስቲ  ከሞግሳ፣  ደርፊ  ከድርፋን  ናይ  ኣውሮፓ  ኩዕሶ 

ከመሓላልፋን  እየን  ዝውዕላ።  ህዝብና  ካብ  ክልል  ኣምሓራ  ዝተባረረሉ 

መዓልቲ‘ኳስ ደርፊ ከድርፋ ምምሳየን ርኢና ጉሂና ኢና። መራኸቢ ሓፋሽ ናይ 

ህዝቢ  እምበር  ናይ  መንግስቲ  ዘይምዃነን  ተረዲእኻ  ተመረጽቲ  ህዝቢ  ኣብዚ 

መዳይ ሱር ነቀል ለውጢ ንኽመጽእ ጻዕሪ ክገብሩ ይግባእ። 

 

9.  ስርዓት  ዴሞክራሲ  ምጉልባት።  ብርግጽ  ንርእሱ  ዴሞክራሲያዊ 

ኣመለኻኽታ ዘማዕበለ መሪሕነትን ወከልቲ ህዝቢን ኣብ ዘይለሉ ኩነታት እዙይ 

 

ከመይ  ይከኣል  ዝብል  ምርምር  ዘድሊዮ  ሕቶ  እዩ።  ብዝኾነ  ኣብ  ኩሎም 

ተዋሳእቲ  ፖለቲካን  ብሓፈሽኡ‘ውን  ኣብ  ሕብረተሰብና  ዴሞክራሲያዊ 

ኣተሓሳስብ  እስካብ  ዝነግስ  ፍሉይ  ሓላፍነት  ተሰኪሙ  ዘሎ  መንግስቲን  ናይ 

ህዝቢ ተመረፅቲን ልዕልና ሕጊ ንምርግጋፅ ሕገ መንግስታዊ ግዴታ ኣለዎም። 

 

10.  ምስ  ክልል ኣምሓራ  ዘሎ  ናይ  ዶባት  ምስሕሓብ  ፍትሓዊን  ጥቕሚ 

ህዝቢ ኣሕሊፉ ብዘይህብ ኣገባብ ክፍታሕ ጊዜ ዘይወሃቦ ጉዳይ እዩ። 

 

11. ምትሕውዋስ ውድባዊን መንግስታዊን ኣሰራርሓን ከቢድ ሽግር ኮይኑ 

ዝቕጽል  ዘሎ  ጉዳይ  እዩ።  እዚ  ሕገ  መንግስታዊ  ጥሕሰት  ካብ  ምዃን  ሓሊፉ 

ንግዕዝይና ገፊሕ ማዕፆ ዝኸፈተ እዩ። ተወከልቲ ህዝቢ ንዞም ክልተ ግና ድማ 

ሓደ ዝኾኑ ኣካላት ብኣሰራርሓ ክፈትሑዎም ይግባእ። 

 

ሎሚ  ኣብ  ሃገርና  ኣብ  ልዕሊ  ኩሎም  ብሄር  ብሄረሰባት  ሃገርና  ኣነጻጺሩ 

ዘሎ  ሓደጋ  ብፍላይ  ድማ  ብፍሉይ  ናብ  ህዝቢ  ትግራይ  ዘነጻጸረ  ንዓሌታዊ 

ህልቂት  ዝዕድም  ደወል  ከም  ተወለድቲ  ናይቲ  ብሄር  ብዛዕባ  ብሄርካ  ጥራይ 

ጸቒትካ  ክትዛረብን  ክትሕለቕን  ዘገድድ  እኳ  እንተኾነ  ደድሕሪ  ዝጸደፉ 

ክትጸድፍ  ምጉያይ  ግን  ታሪኽና  ስለ  ዘይኮነ  ዳኣ  እምበር  ሰላም፡  ፍትሒ 

ዴሞክራሲ፡  ማዕርነት  ሓሪምዎ  ምህላዉ  ከይኣኽሎ  ብኸምኡ  ዝበሉ  ውጹዓት 

ካልእ  በትሪ  ዝሽንጎጎሉ  ዘሎ  ህዝቢ  ትግራይ  ዘይጽንቀቕ  ዓቕሊ  የብሉን፡ 

ምኽንያቱ ንኹሉ ደረት ስለ ዘለዎ፡ 

 

ዓስቢ  መስዋእቲ  ህዝቢ  ትግራይ  ኣብ  ኣዲስ  ኣበባ  ናይ  ሚኒስትርነት 

ሽመት  ምርካብ  ዘይኮነስ፡  ካብ  ድኽነትን  ረዲኤት  እኽሊን  ልመናን  ዘናግፍ 

ልምዓትን  ሰናይ  ምምሕዳርን  ፍትሕን  ጋህዲ  ክገብር  ዝኽእል  ኣብ  ክንዲ  ኣብ 

ልመናን ትኳቦን ኣብ ጻዕሩ ኣብ ራሃጹ ዝኣምን፡ ሃፍቲ ሃገር ንኩሎም ብሄራት 

ብማዕረ  ምምርቓሕ  ዝኽእል  ናይ  ህዝቢ  ተገዛኢ  ዝኾነ  ስርዓት  እዩ  ዘድልዮ 

ዘሎ።