መፅሄት ብስራት 9

 ዓመት ሕታም ቁ.24 ነሓሰ 2008 ዓ/ም 

 

ትሕዝቶ                                                        ገፅ 

 

መልእኽቲ መፅሄት ብስራት………………………………………............. 2 

 

ውድባዊ መግለፂ…………………………………………………............... 3 

 

ዘይዛሪ ማዕበል…………………………………………………….............. 5 

 

ዘይነቅዕ ሰረት…………………………………………………….............. 11 

 

ቃለ-መሕተት ምስ ተጋ. መኮነን ተስፋይ…………………….................. 12 

 

ፖለቲካዊ ንጥፈታት……………………………………………............... 25 

 

ሓበራዊ ቅልፅም ንዘይተርፍ ለውጢ..................................................... 28 

 

ሚድያ ሓቂ……………………………………………………................ 32 

 

ወተሃደራዊ ወፍርታት…………………………………………................. 34 

 

ግጥሚ………………………………………………………….................. 43 

 

 

 

 

 

 

                   

                  ቴሊፎን………………………..00291-153947 

                  ፋክስ………………………….00291-153946 

                  ቁፅሪ ሳንዱቕ ፖስታ……………1653 

                  ዌብ-ሳይት………… www.demhitonline.com  

                                           www.tpdm.net 

                  ኢ-መይል…………. tpdm1993@yahoo.com  

 

 

 

መፅሄት ብስራት 9

 ዓመት ሕታም ቁ.24 ነሓሰ 2008 ዓ/ም 

 

መልእኽቲ መፅሄት ብስራት 

 

ልሳን ውድብና ዝኾነት መፅሄት ብስራት ኣብ 1999 ዓ/ም ኣሃዱ ኢላ ቀዳማይ ሕታማ 

ካብ  ትጅምር  ክሳብ  ሎሚ  ኣብ  ጉዳይ  ሃገርናን  ህዝብናን

  ኩነታት  ህዝባዊ  ቃልስናን 

ኣመልኪታ ዝተፈላለዩ ዛዕባታት እናልዓለት ን23 ሕታማት ተዘርጊሓ ኣላ። 

 

ሎሚ  ድማ  እንኳዕ  ን2ይ  ውድባዊ  ጉባኤ  ዴምህትን፤  ሓድሽ  ዓመት  2009  ዓ/ም 

ኣብፀሓኩም  ኣብፀሓና  እናበለት፣  ኣብ  መበል  24  ሕታማ  ብዝሓየለን  ብዝጠንከረን  መልክዑ 

ዝተፈላለዩ እዋናዊ ጉዳያት ሒዛ ቀሪባትልኩም ኣላ። 

 

መፅሄት  ብስራት  ኣብ  ናይ  ሎሚ  ሕታማ  ኣብ  ሃገርና  እናጋጠሙ  ዝመፁን  ክሳብ 

ሐዚ’ውን  ዘጋጥሙ  ዘለዉን  ህዝባዊ  ተቓውሞታት፤  ኣብ  ሃገርና  እናተኻየዱ  ምስ  ዝመፁ 

መረፃታት  ተተሓሒዙ፣  ናበይ  ኣንፈት  የምርሑ  ከም  ዘለዉ  “ዘይዛሪ  ማዕበል”  ኣብ  ትሕቲ 

ዝብል ርእሲ ሓፂር ዳህሳስ ኣካይዳትሉ’ላ። 

 

ንኩነታት  ኣመሰራርታ  ውድብ  ዴምህትን  ኣድላይነትን  እዋናውነትን  ዕጥቃዊ  ቃልሲ 

ኣመልኪታ  ድማ  “ዘይነቅዕ  ሰረት”  ኣብ  ትሕቲ  ዝብል  ርእሲ  ሓፂር  መብርሂ  ድሕሪ  ምሃብ፣ 

ምስ  ላዕለዋይ  መሪሕነት  ዴምህት  ተጋዳላይ  መኮነን  ተስፋይ  ዘካየደቶ  ቃለ-መሕተት  ኣሰንያ 

ኣቕሪባትልኩም ኣላ። 

  

ውድብ ዴምህት ካብ ዝምስረት ጀሚሩ ክሳብ ሎሚ ፖለቲካዊ ንጥፈታቱ እንታይ ከም 

ዝመስል  “ፖለቲካዊ  ንጥፈታት”  ኣብ  ትሕቲ  ዝብል  ርእሲ፣  ከምኡው’ን  “ሚድያ  ሓቂ”  ኣብ 

ትሕቲ ዝብል ርእሲ ዝወፀ ሓፂር ዳህሳስ ስራሕቲ ክፍሊ ሚድያ፣ ትሕዝቶ ናይ ሎሚ ሕታም 

መፅሄት ብስራት እዮም። 

 

ኣብ  መወዳእታ  ድማ  ዴምህት  ኣብ  ልዕሊ  ወተሃደራት  ስርዓት  ኢህወዴግ  በብእዋኑ 

ዝወሰዶም  ሰፋሕቲ  ወተሃደራዊ  መጥቃዕታት  ብምድህሳስ  ናይ  ሎሚ  ሕታማ  “ኣብ  ሎሚ 

ተዛተ” ብዝብል ግጥሚ ክትዛዝም እያ።  

 

በዚ ኣጋጣሚ መፅሄት ብስራት ንሙሉእ ህዝቢ ኢትዮጵያ፣ እዚ ንቕበሎ ዘለና ሓድሽ 

ዓመት 2009 ብሩህ ዘመን ክኾነሉ ሰናይ ትምኒታ እናገልፀት፣ እንኳዕ ንታሪኻዊ 2ይ ውድባዊ 

ጉባኤ ዴምህት ኣብፀሐና ኣብፀሐኩም ትብል ሰናይ ንባብ፣-  

    

 

 

 

 

 

 

 

 

መፅሄት ብስራት 9

 ዓመት ሕታም ቁ.24 ነሓሰ 2008 ዓ/ም 

 

ውድባዊ መግለፂ 

 

ውሉድ ወለዶ ህዝቢ ኢትዮጵያ፣ ካብ ሕሉፍ ዘመናት ኣትሒዙ ካብ ርሑቕን ቀረባን 

ኲናት  መግዛእቲ  ዝተወርወሮ፤  ንምንብርካኹን  ነፃነቱ  ንምምንዛዕን፣  ኣፈሙዝ  ባዕዳውያን 

ወረርቲ  ዝቐንዖ  ህዝቢ  እኳ  እንተኾነ፣  ኣይምብርከኽን  ነፃነተይ  ኣሕሊፈ  ኣይህብን  በሃላይነቱ 

ግን ቃላት ኮይኑ ኣይተረፈን። መዳፍዕን መትረየስን ባዕዳውያን ወረርቲ፣ ብዋልታን ጭማራን 

ኣምኪኹ  ነፃነቱ  ከውሕስን፣  ኣብ  ትሕቲ  መግዛእቲ  ንዝነበሩ  ፀለምቲ  ህዝብታት  ተምሳሌት 

ነፃነትን ፅንዓትን ክኸውን ዝበቕዐ ተቓላሲ ህዝቢ እዩ። 

 

እዚ ዘይድፈር እምባ ምዃኑ ንባዕዳውያን ወረርቲ ብግብራዊ ቋንቋ ዝነገረ ህዝቢ ግን፣ 

ሕማቕ  ኣጋጣሚ  ኮይኑ፣  ካብ  ዘመነ  መሳፍንቲ  ኣትሒዙ  ካብ  ማህፀኑ  ዝወፁ  በብእዋኑ  ናይ 

ስልጣን ሓይሊ ዝሓዙ ነገስታት፣ ነዚ ብደሙን የዕፅምቱን ነፃነቱን ክብሪ ሃገሩን ዘውሓሰ ህዝቢ 

ንምብርካኽ ምልካዊ ምሕደራ ከስፋሕፍሑ ፈቲኖም እዮም። 

 

እንተኾነ  ግን  እዚ  ህዝቢ  እዚ  ሓይሉ  ኣብ  ሓድነቱ፤  ኣብ  ፅንዓቱ፤  ኣብ  ክቡር 

ኢትዮጵያዊ መንነቱ ዝምርኮስ ህዝቢ ስለ ዝኾነ፣ ነዞም ሓይሊ ብረት ኣሚኖም ክንገዝአካ ኢና 

ዝበልዎ መሳፍንትን ፋሽሽትን ብኽቡር ደሙን መስዋእትነቱን ፀራሪጉ ፀፀግዖም ኣትሒዝዎም 

እዩ። 

እቶም  ካልኦት  ተጋድሎታት  ሓዲግና፣  ፋሽሽታዊ  ስርዓት  ኣስፋሕፊሑ  ኣብ  ልዕሊ 

ህዝቢ  ኢትዮጵያ  ከም  ድልየቱ  ክዕንድር  ንዝጀመረ  ስርዓት  ደርግ፣  ብገንኡ  ንምእላይ  ኣብ 

ዝተኻየደ መሪር ቃልሲ’ውን፣ ብገንዘብ ዘይትመን ረዚን ዋጋ ከፊሉ’ዩ፣ ኣብ ጉዕዞ ናይዚ ቃልሲ 

ልዕሊ ካልኦት ህዝብታት ኢትዮጵያ ከቢድ መስዋእትነት ዝኸፈለ ህዝቢ ድማ ህዝቢ ትግራይ 

እዩ።  ሳላ  ህዝቢ  ትግራይ  ዝኸፈሎ  መወዳድርቲ  ዘይብሉ  መስዋእትነት  ካኣ  ኣንፃር  ደርግ 

ዝቐነዐ ዕጥቃዊ ቃልሲ ብዓወት ተዛዚሙ። 

 

እዚ ኹሉ ደም ክፈስስ፤ እዚ ኹሉ ህይወት መላምል ቀያሕትን ፀለምትን ደቂ ህዝቢ 

ክኽፈል፣  ንዋት  ህዝቢ  ክዓኑን  እንከሎ  ግን፣  ከምቲ  ንዕዘቦ  ዘለና  ፍረ-መስዋእቲ  ህዝቢ  ከንቱ 

ዝገብር፣  ካልእ  ዓመፀኛ  ኣብ  እግሪ  ስርዓት  ደርግ  ንምትካእ  ኣይነበረን፣  እንተኾነ  ግን  እቲ 

ብመስዋእትን  ስንክልናን  ህዝብታት  ኢትዮጵያ  ዝመፀ  ስልጣን፣  ብመራሕቲ  ኢህወዴግ  ጅሆ 

ተታሒዙ  መላገፂ  ውሑዳት  እዩ  ኮይኑ።  እቲ  ነቲ  ዕላማ  ኣሚኑ  ኣብቲ  ቃልሲ  ኩለንትንኡ 

ዝሃበ ህዝቢ’ውን ብኣልማማ ተጠሊሙ እዩ። 

 

እነሆ  ድማ  ፈልሲ-መስዋእትን  ስንክልናን  ህዝቢ  ክሓርር፤  ኣሕዋትና  ዝወደቕሉ 

መስመር  ኣንፈቱ  ክስሕት፤  ዋጋ  ከፊልና  ዘምፃእናዮ  ስልጣን  ተመሊሱ  መጨፍጨፊ  ህዝቢ 

ክኸውን፤  ብሓፈሻ  ዕላማታት  ናይቲ  ቃልሲ  ክካሓዱን፣  ኣብ  ልዕሊኦም  ፀረ  ዴሞክራሲ 

ተግባራት ክጥጥዕን ምስ ተዓዘብና ልብና ስለ ዝቖሰለ፤ ኣዕፅምቲ ሰማእታትና ድቃስ ክኸልኣና 

ምስ  ጀመረ፣  ኣብ  ኣጋወጋሕታ  ዝተኾልፈ  ሕቶ  ህዝብና  ተሓንጊጥና  ኣብ  ሽትኡ  ንምብፃሕ፣ 

ብ19  ለካቲት  1993  ዓ/ም  ዴሞክራስያዊ  ምንቅስቓስ  ህዝቢ  ትግራይ  (ዴ.ም.ህ.ት)  ብዝብል 

ተወዲብና ብረት ኣልዒልና በረኻ ክንወፅእ ተገዲድና። 

 

ዝኸበርኩምን ዝኸበርክንን፣ ነዚ ሓዊ ዝተፍእ መድረኽ ቃልሲ ደፊርና ክንኣትዎ ከለና፣ 

ዝሓቶ  ረዚን  ዋጋ  ወይ  ድማ  ትርጉም  መስዋእትን  ስንክልናን  እንታይ  ከም  ዝኾነ  ጠፊኡና 

መፅሄት ብስራት 9

 ዓመት ሕታም ቁ.24 ነሓሰ 2008 ዓ/ም 

 

ኣይኮነን፣ እንተኾነ ግን እቲ ንህዝብናን ሃገርናን ደም ዘንብዕ ዘሎ ስርዓት ዝእለየሉ መማረፂ፣ 

ንሱ ጥራሕ ስለ ዝኾነ እዩ።  

ስለዚ  እዚ  ከይፈተና  ተገዲድና  ዝኣተናዮ  ኣንፃር  ህወሓት  ኢህወዴግ  ዝቐንዐ  ዕጥቃዊ 

ቃልሲ፣  ሒዝዎ  ዝነቐለ  መቃለሲ  ዕላማን  ፕሮግራምን  እዋናውን  ፍትሓውን፤  ሕቶን  ድሌትን 

ህዝቢ መሰረት ዝገበረን ብምዃኑ፣ ብዙሓት ሰዓብቲ ረኺቡ፣ ክሳብ ሎሚ እናጋጠምዎ ንዝመፁ 

ናይ ቃልሲ ሕልኽላኻት በዲሁ፣ ነዊሕ ርሕቐት ክጓዓዝን፣ ኣብ ሃገርና ተደላይን ፀላውን ቃልሲ 

ክኸውን በቒዑ’ሎ። 

ውድብና  ክሳብ  ሎሚ  ኣብ  ዝኸዶ  ጉዕዞ፣  ከም  ዘይነበረ  ንምግባር  ካብ  ዕለተ  ልደቱ 

ኣትሒዙ  ብፀላእትና  ማእለያ  ዘይብሎም  መርዝታት  ተተፊኦሞ  እዮም፣  እንተኾነ  ግን  ኣብ 

ታሪኽ ህዝብናን ሃገርናን ተምበርካኽነት ነውሪ ስለ ዝኾነን፣ እዚ ቃልሲ እዚ መሰረታዊ ሕቶ 

ህዝቢ  ስለ  ዝሓዘን፣  ሳላ  ፅኑዓትን  ዘይወላወሉን  ተቓለስቲ  ንኹሉ  እንዳምከነ  ኣብዚ  መድረኽ 

እዚ በፂሑ’ሎ። 

ክቡራትን  ክቡራንን፣  ውድብና  ኣብዞም  ሓሊፍናዮም  ዘለና  15  ዓመታት፣  ኣሉታውን 

ኣወንታውን  ጎንታቱ  ብምግምጋም፣  ካብ  ዝሐሸ  ናብ  ዝበረኸ  ባይታ  ንምስግጋር  ዝዓለሙ 

ኣርባዕተ  ዓበይቲ  መድረኻት  ኣታኣናጊዱ  እዩ፣  ሰለስተ  ኮንፈረንስን  ሓደ  ታሪኻዊ  ውድባዊ 

ጉባኤን፣  በዞም  መድረኻት  እዚኦም  ኣቢሉ  ንዘጋጠምዎ  ሓለኽቲ  ዕንቅፋታት  እናወገደ  ሳላ 

ዝመፀ ድማ፣ እነሆ 5ይ መድረኽ 2ይ ውድባዊ ጉባኤ ከቃንዕ በቒዑ’ሎ። 

 

ስለዚ ኩልኹም ፈተውቲ፤ ደገፍትን ሰዓብትን ቃልስና፣ ውድብና ዴምህት ክሳብ ሎሚ 

ኣብ  ቅድሚኡ  ንዘጋጠምዎ  ማዕበልን  ህቦብላን  ሰጊሩ  ናብዚ  ዘለናዮ  2ይ  ውድባዊ  ጉባኤ 

ንኽበፅሕ፣ ኣብ ዝተገብረ ምርብራብ ድጋፍኩም ስለዘይተፈለየና እንኳዕ ኣብፀሐና ኣብፀሐኩም 

ክንብል ንፈቱ። 

እዚ  ባይታ  እዚ  ግን  ሱቕ  ኢሉ  ዝመፀ  ኣይኮነን፣  ቃልስና  ንምኹላፍ  ከም  ዘይነበረ 

ንምግባር፣ ብፀላእትና ምስ ዝመሃዙ መርዝታት ጥፍኣት ገጢምና፣ ረዚን ዋጋ ከፊልናሉ ኢና፣ 

ምኽንያቱ ስረ ዓጢቕና ዝጀመርናዮ ቃልሲ ንሓይልታት ጥፍኣት ኣሕሊፍካ ምሃብ፣ ታሪኽካ 

ኣበላሺኻ፣ ታሪኽ ህዝብን ሃገርን ምብልሻው ስለ ዝኾነ። ቃልስና ሕዚ’ውን ቀፃሊ እዩ። 

 

ቃልሲ ከም ስሙ ቃልሲ ስለ ዝኾነ፣ ብሕጂ’ውን መሰናኽል ኣየጋጥመናን ኣይንብልን፣ 

ግን  ድማ  ዘለና  ውህሉል  ተሞክሮ  ቃልሲ፣  ኣብ  2ይ  ውድባዊ  ጉባኤና  ክጠናኸር  ብምግባር፣ 

ኣንፃርና  ንዝእለም  ውዲት  ጥፍኣት  እናፍሸልና፣  ዓወት  ቃልስና  ንምቅልጣፍ  ኣበርቲዕና 

ክንረባረብ ኢና። 

ስለዚ  ኩልኹም  ፈተውትን  ደገፍትን  ቃልስናን  ሓፋሽ  ማሕበር  ውድብናን፣  ምሉእ 

ህዝቢ  ኢትዮጵያ  ዝምነዮ  ዘሎ  ናይ  ስርዓት  ለውጢ  ኣብ  ዝሓፀረ  ግዜ  ጋህዲ  ንምግባር፣  ኣብ 

ነካይዶ  ዘለና  ዕጥቃዊ  ቃልሲ  እጃምኩም  ክትሓውሱን  ድጋፍኩም  ከይፍለየናን፣  ህዝቢ 

ኢትዮጵያ ድማ ጀሚርካዮ ዘለኻ ኣንፃር እቲ ስርዓት ዝቐንዐ ህዝባዊ ተቓውሞ፣ ልዕሊ ዝኾነ 

እዋን ኣጠናኺርካ ክትቅፅለሉን ፃውዒትና ነቕርብ። ዴምህት ሎሚ’ውን ከም ቀደሙ ዕድመ 

ስልጣን  ስርዓት  ወያነ  ኢህወደግ  ንምሕፃር  ኣብ  ሓንትን  ጥምርትን  ኢትዮጵያ  ምስ  ዝኣምኑ 

ተቓወምቲ ውድባት፣ ተሓባቢሩን ተቐራሪቡን ክሰርሕ ድሉው ምዃኑ ደጊሙ የረጋግፅ። 

 

ዝኸበርኩም  ተጋደልቲ  ዴ.ም.ህ.ት  ድማ  ቃንዛ  ህዝብኹም  ኣቐንዝይኩም፣  ውርደት 

ሃገርና  ውርደትና’ዩ  ኢልኩም፣  ህዝብናን  ሃገርናን  ካብቲ  ፀረ  ዴሞክራሲ  ዝተዓጥቀ  ዋርድያ 

ድኽነት  ዝኾነ  ብደዉ  ዝበስበሰ  ስርዓት  ሓራ  ንምውፃእ፣  ዝጀመርኩሞ  ተጋድሎ  ኣብ  ሽትኡ 

መፅሄት ብስራት 9

 ዓመት ሕታም ቁ.24 ነሓሰ 2008 ዓ/ም 

 

ንምብፃሕ፣  ካብ  ዝኾነ  እዋን  ንላዕሊ፣  2ይ  ውድባዊ  ጉባኤና  ንዝወሰኖም  ውሳነታት  ተግባራዊ 

ንምግባር  ጠንኪርኩም  ክትረባረቡን  ቃልኩም  ክተሐድሱን  ዕላማ  ሰማእታትኩም  ኣብ  ሽትኡ 

ንምብፃሕ ቃልስኹም ክተሐይሉን ውድብኩም ዴ.ም.ህ.ት ይፅውዕ። 

 

ኣብ መወዳእታ እዚ ንቕበሎ ዘለና ሓድሽ ዓመት 2009 ሰናይ ዘመን ክኾነልና ሰናይ 

ትምኒትና  እናገለፅና፣  ውድብና  ዴ.ም.ህ.ት  ስርዓት  ህ.ወ.ሓ.ት-ኢ.ህ.ወ.ዴ.ግ  ንምእላይ  ኣብ 

ዘካይዶ ዘሎ ቃልሲ፣ ኩሉ ዓይነት መማረፂ ክወስድ እዩ። ዓወትን ድምቀትን ን2ይ ውድባዊ 

ጉባኤና፣ ክብርን ሞጎስን ምእንተ ህዝብን ሃገርን ንዝወደቑ ሰማእታትና ይብፅሓዮም። 

ዓወት ንውፁዓት!!  

ነሓሰ 2008 ዓ/ም 

 

ዘይዛሪ ማዕበል!! 

 

ህዝቢ ትግራይ ብገዛእቲ ደርቢ ኣብ ልዕሊኡ ይበፅሕ ካብ ዝነበረ ደርባውን ብሄራውን 

ወፅዓ ተላቂቑ ናብ ዝሓሸ ዴሞክራስያዊ መድረኽ ክሰጋገር፣ ተስፋታት ሰኒቑ ኣንፃር ዘውዳዊ 

ስርዓት  ሃ/ስላሴ  ይካይድ  ኣብ  ዝነበረ  ህዝባዊ  ዓመፅን፣  ዘይተወደበ  ቃልስን  ኢዱ  ሓዊሱ፣ 

ብተምሃሮ  ዩኒቨርሲቲ  ይካየድ  ኣብ  ዝነበረ  ነቲ  ስርዓት  ነቕነቕ  ኣብ  ዘበለ  ዓመፅ  ልዑል 

ኣስተዋፅኦ ኣበርኪቱ እዩ።  

ድሕሪ  ውድቀት  ስርዓት  ሃ/ስላሴ’ውን  ንዓመፅ  ህዝቢ  ተበሊፁ  ስልጣን  ህዝቢ  መንዚዑ 

ዝበሓተ  ደርግ  ናይ  ዓፈና  መርበቡ  ክዝርግሕን  ናይ  ተገዝኡኒ  ኣዋጃት  ክእውጅን  ግዜ  ስለ 

ዘይወሰደ፣  ህዝቢ  ትግራይ  ውሽጣ  ውሽጢ  ከካይዶ  ዝፀነሐ  ቃልሲ  ብዝሓየለ  መልክዑ 

ብምቕፃል ብ11 ለካቲት 1967 ዓ/ም ብረት ዓጢቑ ኣንፃር ደርግ በረኻ ወፊሩ። 

 

ብዙሕ  ናብ  ዝርዝር  ከይኣተና  ድማ  ን17  ዓመታት  ኣብ  ዝተኻየደ  መሪር  ዕጥቃዊ 

ቃልሲ  ዓለም  ጉድ  ዘበለ  ቅያታት  ፈፂሙ፣  ነቲ  እምባን  ፀድፍን  እናተብሃለ  ዝምሰለሉ  ዝነበረ 

ስርዓት  ደርግ  ሓመድ  ድበ  ኣእትይዎ።  ህዝቢ  ትግራይ  እዚ  ክገብር  ከሎ  ግን  ከቢድ  ዋጋ 

ከፊሉ እዩ፣ ነዚ ዋጋ ክኸፍል ከሎ ድማ ጋህዲ ክኸውን ዝምነዮ ራእን ዕላማን ነይርዎ። 

 

ዓብላላይነትን  ኣፈላላይን  ኣብቂዑ  ዴሞክራስያዊት  ኢትዮጵያ  ሃኒፁ፣  ብሰላምን 

ብፍቕርን  ምስ  ኩሎም  ህዝብታት  ኢትዮጵያ  ሓቢሩ  ክነብርን፣  መቐረት  ዴሞክራሲ 

ከስተማቕርን ዝብል ተስፋን ትፅቢትን ነይርዎ፣ ነዚ ጋህዲ ንምግባር ድማ ኣብ መስርዕ ናይቲ 

ቃልሲ  ተሰሊፉ  ክድፋእ  እዩ  ተባሂሉ  ምስ  ዘይተገመተ  ክሳብ  ኣፍንጭኡ  ዝዓጠቐ  ደርግ 

ገጢሙ ብቓልሲ ፀሪጉ ከወጊድዎ፣ እንተኾነ ተስፋታቱ’ውን ብኡ ንብኡ እዩ ፀልሚቱ። 

 

ህዝቢ ትግራይ ዝተቓለሰሉ ዕላማታት ተረሲዑ ደም ሰማእታትና ከይደረቐ፤ ነብሶምን 

ስግኦምን ከይተፈላለየ ሕድሮም ምስ ተጠልመ፤ ኣብ ልዕሊ ሓድሽ መቓብሮም ተግባራት ፀረ 

ዴሞክራሲ ክጥጥዕ ምስ ጀመረ፣ ህዝብና ተብተብ ኢሉ ናብ ስጉምቲ ኣይኣተወን፣ ካብ ፅባሕ 

ዓወት 20 ጉንበት 1983 ዓ/ም ጀሚሩ ንኣስታት 10 ዓመታት ዝኣክል ብዓቕልን ትዕግስትን 

ንህወሓት  ክተማሓይሽ  እያ  ብዝብል  ተስፋ  ተፀብይዋ፣  ጎና  ጎኒ  ድማ  ኩሉ  ህዝቢ  ከከም 

ዝጥዕሞ  ኣገባብ፣  ገሊኡ  ብሕቡእ  ውሽጣ  ውሽጢ  ኣብ  ትሕቲ  እቲ  ስርዓት  ኮይኑ፤  ገሊኡ 

ብመልክዕ  ስደት፤  ብመልክዕ  ሽፍትነት፤  ገሊኡ  ድማ  ምስ  ተቓወምቲ  ውድባት  ኢትዮጵያ 

ብምፅምባር፤ ተቓውምኡ ክገልፅ ፀኒሑ እዩ። 

መፅሄት ብስራት 9

 ዓመት ሕታም ቁ.24 ነሓሰ 2008 ዓ/ም 

 

እንተኾነ  ግን  ህወሓት  ናይ  ዓፈናን  ፀረ  ዴሞክራስን  መርበቡ  ከስፍሕ  ዳኣ  እምበር 

ከስተኻኽል  ኣይካኣለን፣  ኢህወዴግ  ንኢትዮጵያ  ክጠቕማ  ዝኽእል  ፌደራላዊ  ስርዓት  እየ 

ዝኽተል፤  ብመድብለ ፓርቲ ዝተሃንፀ ስርዓተ ዴሞክራሲ እየ ዝኣምን፣ እናበለ በብሓምሽተ 

ዓመት  መረፃ  የካይድ  እዩ፣  ኣብዞም  በብእዋኑ  ዝካየዱ  መረፃታት  ድማ  ብርክት  ዝበሉ 

ፖለቲካውያን  ውድባት  ይሳተፉ  እኳ  እንተኾኑ፣  ተዓዊቶም  ወንበር  ክሕዙ  ግን  ተራእዮም 

ኣይፈልጡን። 

ምኽንያቱ እቲ ዝካየድ መረፃ ፍትሓውነትን ቅንዕናን ዝጎደሎ እዩ፣ ኢ.ህ.ወ.ደ.ግ ባዕሉ 

ኣማራፂ፤  ተዓዛቢ፤  ባዕሉ  ድማ  መራፂ፣  ኮይኑ  ስለ  ዘካይዶ  ሳንዱቕ  መረፃ  ኣብ  ትሕቲ 

ቁፅፅሩ’ዩ፣  ኣብ  ዝደለዮ  ሰዓት  ከም  ዝደለዮ’ዩ  ዝገብሮ።  ህዝቢ  ነፃ  ኮይኑ  ክመርፅ  ኣይኽእልን 

ነፃነቱ ተጠቒሙ ዝመሰሎ ከይመርፅ ዝተፈላለዩ ዓፈንቲ ፀቕጥታት ስለ ዝወርድዎ ነፃ ኮይኑ 

ክመርፅ  ይኹን  ክምረፅ  ኣይኽእልን  መሰል  ዝበሃል  የብሉን።  ነዚ  ኹሉ  መሰናኽል  ሓሊፎም 

ብድምፂ  ዝሰዓሩ  ተቓወምቲ  ውድባት  ድማ  ገለ  እናሳበበ  ኣሲሩ  ክቕጥቅጦም፣  ንገለ  ድማ 

ኣሸባሪ ዝብል ንዕኦም ዘይበቅዕ ስም ክልጥፈሎም እናራኣና መፂእና ኢና። 

 

ኢ.ህ.ወ.ዴ.ግ ናብ ስልጣን ካብ ዝድይብ ክሳብ ሎሚ ሓምሽተ መረፃታት ኣካይዱ’ሎ፣ 

ብ1987  ዓ/ም  ቀዳማይ  መረፃ፤  ብ1992  ዓ/ም  ካልኣይ  ዙር  መረፃ፤  ብ1997  ሳልሳይ  ዙር 

መረፃ፤ ብ2002 ዓ/ም ድማ ራብዓይ ዙር መረፃ ተኻይዱ፣ ድሕሪ ሓሙሽተ ዓመት ድማ ኣብ 

2007 ዓ/ም ሓምሻይ ዙር መረፃ ኣርኪቡ።  

እዞም  መረፃታት  እዚኦም  ድማ  ነናይ  ባዕሎም  በሰላታት  ገዲፎም  እዮም  ሓሊፎም፣ 

ንኣብነት ሳልሳይ ዙር መረፃ እንተርኢና ካብቶም ቅድሚኡ ዝነበሩ ክልተ መረፃታት ቁሩብ 

ናይ ዴሞክራሲ ኣፋፍኖት ዝተርኣየሉ ስለ ዝነበረ ህዝቢ ኣብ ልዕሊ ኢህወዴግ ቀይሕ ካርዲ 

ዝመዘዘሉ መረፃ እዩ ነይሩ።  

ውፅኢት  ናይቲ  መረፃ  እንታይ  ክኸውን  ከምዝኽእል  ብገንኡ  ዝተረደኦ       

ናይቲ  እዋን  ቀዳማይ  ሚኒስተር  ዝነበረ  መለስ  ዜናዊ  ብ7  ጉንበት  1997  ዓ/ም  ኣብ 

መስኮት  ቴሌቪዥን  ቀሪቡ “ካብዛ ዕለት ጀሚሩ  ን30  መዓልታት ምንም  ዓይነት  ህዝባዊ 

ኣኼባ  ምግባር  ኣይፍቀድን፤  ፌደራል  ፖሊስ  ተፀዋዕነቱ  ብቐጥታ  ንቀዳማይ  ሚኒስተር 

ይኸውን”  ክብል  ፀረ-ዴሞክራስያውነት  ናይቲ  ስርዓት  ብግልፂ  ዘንፀባረቐ  መምርሒ  

ኣውሪዱ።  

ኣብ  ወርሒ  ሰነ  1997  ዓ/ም  ኢህወዴግ  ኣብቲ  መረፃ  ብዓብላላይነት  ከም  ዝሰዓረ 

ቦርድ  መረፃ  ብምግላፁን፣  ተቓወምቲ  እቲ  መረፃ  ይደገመሎም  ዝበልዎም  ቦታታት 

መብዛሕትኦም ብምኽልካሎምን ስዒቡ፣ በብከተምኡ ህዝባዊ ቁጠዐ ተላዒሉ፣ ኣብቲ እዋን  

ድማ  ኢ.ህ.ወ.ዴ.ግ  ንገለ  ኣቑሲሉ  ንገለ  ድማ  ቀቲሉ  ንምርድዳእ  ቅሩብነት  ስለ  ዘርኣየ 

መጠናዊ ምርግጋእ ተፈጢሩ። እንተኾነ ግን ብዙሕ ከይፀንሐ ኣብ ዝቐፀለ ዓመት ወርሒ 

ጥቅምቲ  22/1998  ዓ/ም  እቲ  ነገር  ናብ  ዕግርግር  ኣምሪሑ  ተፀዋዕነቶም  ንቀዳማይ 

ሚኒስተር  ዝነበሩ  ፌደራል  ፖሊስ  መንግስቲ  ብዝኣመነሉ  ጥራይ  ናይ  193  ዜጋታት 

ህይወት ቀዚፉ።  

ካብቶም  ዝተወዳደሩ  ተቓወምቲ  ውድባት  ብፍላይ  ኣብታ  ብዙሓት  ላዕለዎት  ሰበ-

ስልጣን ናይቲ ስርዓት ዝተወዳደርሉ ከተማ ኣዲስ ኣበባ ተቓወምቲ ውድባት ምሉእ ብምሉእ 

ተዓዊቶም ነይሮም፣ እንተኾነ ግን ኢ.ህ.ወ.ዴ.ግ ካብ ዘጋጠሞ ስዕረት ነቒሉ ብኣፈሙዝ ብረት 

ክዕምፅ‘ዩ  ተራእዩ።  ከም  ውፅኢቱ  ድማ  ልዕሊ  200  ዝኾኑ  ንፁሃት  ወገናትና  ኣብ  ማእኸል 

ጎደና  ብጥይት  ተቐቲሎም፤  ኣመራርሓ  ናይተን  ውድባት  ብጅምላ  ናብ  እሱር  ተወሲዶም 

መፅሄት ብስራት 9

 ዓመት ሕታም ቁ.24 ነሓሰ 2008 ዓ/ም 

 

ኣስካሕካኺ ዝኾነ በደል ወሪድዎም፣ ዳሓር ድማ ብዝወረዶም ግፍዒ ተሰናቢዶም ናብ ወፃኢ 

ሃገራት ተበታቲኖም፣ ወያነ ድማ ነቲ ዝወረዶ ስዕረት ብኸምዚ ሸፊኑ ሓሊፍዎ። 

 

መረፃ  2002’ውን  እንተኾነ፣  ወያነ  ካብቲ  ናይ  1997  ዓብዪ  ትምህርቲ  ረኺቡ  ስለ 

ዝፀንሐ፣  ከይዲ  ኣፈፃፅማ  ናይቲ  መረፃ  ኣቐዲሙ  እዩ  ወዲእዎ  ኣትዩ።  ገና  እቲ  መረፃ 

ከይተዛዘመ  ድምፂ  መረፅቲ  ከይተቖፅረ  ከሎ  ካኣ  99.8%  ተዓዊተ  ኢሉ  ኣዊጁ፣  ከይዲ 

ኣፈፃፅምኡ ዝምልከት ግን ክትዛረበሉ ዘሐንኽ እዩ ነይሩ። 

 

ናይ 2007 መረፃ እንተርኢና’ውን ካብቲ ናይ 2002 ብዘይፍለ መልክዑ ብምድንጋርን 

ምጭብርባርን  ስለ  ዝተኻየደ  ኣቐዲሞም‘ውን  ወዲአሞ  ስለ  ዝፀንሑ፣  ኢ.ህ.ወ.ዴ.ግ  100  ካብ 

100  ተዓዊተ  ኢሉ  ዛዚምዎ  እዩ።  ተቓወምቲ  ኡይ  ኢሎም  ከሲሶም  ሰማዒ  ከይረኸቡ 

ተሪፎም። ምኽንያቱ ናይቲ ሕጊ ኣፈፀምቲ‘ውን ባዕሎም ላዕለዎት ኣካላት ናይቲ ስርዓት ስለ 

ዝኾኑ፣ "ዝብኢ ፈሪሖም ናብ ዝባን ኦም ይድይቡ እሞ ነብሪ ኣብኡ ፀኒሑ ስልዕ ውዒልዎም" 

እዩ ኮይንዎም። 

ብድምሩ  ድማ  እዞም  ክሳብ  ሎሚ  ተኻይዶም  ዝበሃሉ  ሓምሽተ  ዙር  መረፃታት 

ንሽም’ዮም  ተኻይዶም  እምበር፣  ዕላምኦም  ንለውጢ  ዝተሓስበ  ኣይነበረን፣  ንይምስል  ኣብ 

ፖለቲካዊ ውድድር ዝኣምን ስርዓት እዩ ዘሎ ተባሂሉ ንኽዝረበሎም ዝተገብሩ ናይ ምድንጋር 

ኣጀንዳታት ዝሓዘሉ እዮም ነይሮም። 

ስለዚ ስርዓት ኢ.ህ.ወ.ዴ.ግ ናብ ስልጣን ካብ ዝድይብ ጀሚሩ ክሳብ ሎሚ ብመንገዲ 

ፖለቲካዊ  ቃልሲ  ኣቢልካ  ካብ  ስልጣኑ  ንምእላይ  ዝተኻየደ  ቃልሲ  ውፅኢታዊ  ኣይነበረን፣ 

ምሉእ  ህዝቢ  ኢትዮጵያ  ድማ  ኢ.ህ.ወ.ዴ.ግ  ዝበሃል  ስርዓት  ብፖለቲካዊ  ቃልሲ  ስልጣኑ 

ከረክብ  ዘይኽእል  ስርዓት  ከም  ዝኾነ  ምሉእ  ንምሉእ  ኣረጋጊፁ’ዩ።  ሓይልታት  ፖለቲካ‘ውን 

እንተኾኑ ዘይቅበፅ ኮይንዎም እምበር፣ ተስፋ ኣብ ዘይብሉ ነገር ናይ ግዜ መስዋእቲ ይኸፍሉ 

ከም ዘለዉ ይፈልጡ እዮም። 

 ካብዚ  ስዒብና  እምባኣር  ድሕሪ  5ይ  ዙር  ሃገራዊ  መረፃ  ኣብ  ሃገርና  እናጋጠሙ 

ዝመፁ ብህዝቢ ዝላዓሉ ተቓውሞታት ብቑፅሮም ኣዝዮም ብርክት ዝበሉ እኳ እንተኾኑ ነቶም 

ፍርይ ፍርይ ዝበሉ ብወሳናይ መልክዑ ክንተናኽፎም ኢና ሰናይ ንባብ፦ 

 

ኣብ  ክልል  ጋምቤላ  ሙርሌ  ብዝበሃሉ  ዕጡቓት  ሓይሊ  ደቡብ  ሱዳን  ብዝተፈጥረ  ጎበጣ  ካብ 

225  ንላዕሊ  ተወለድቲ  ክልል  ጋምቤላ  ተቐቲሎም፣  ልዕሊ  225  ዝኾኑ  ህፃናት  ተጨውዮም 

እንትውሰዱ፣  ካብ  2000  ንላዕሊ  ዝኾና  ናይ  ህዝቢ  ጋምቤላ  ከፍቲ  ድማ  በቶም  ካብ  ደቡብ  ሱዳን 

ዝመፁ ዕጡቓት ሓይልታት ተወሲደን እየን። እዚ ድማ እቲ ስርዓት ሰላምን ርግኣትን ናይታ ክልል 

ከውሕስ  ብዘይምኽኣሉ  ዝተፈጥረ  ፀገም  እዩ።  ካብቲ  ክልል  ከይወፃእና  ኣብ  ሞንጎ  ዓሌት  ኣኝዋክን 

ሙርሌን ብዝለዓል ቀፃሊ ግጭት ካብ ክልቲኦም ዓሌት ብ10

ታት 

ዝግመት ሂወት ሓሊፉ እዩ። 

ስርዓት ኢ.ህ.ወ.ዴ.ግ ከተማ ኣዲስ ኣበባን ክልል ኦሮምያን ከራኽበን እየ ኢሉ ዘበገሶ 

ረብሓ ህዝቢ መሰረት ዘይገበረ ማስተር ፕላን ብህዝቢ ሓያል ተቓውሞ ኣጋጢምዎ እዩ። እዚ 

ካብ ወርሒ ሕዳር ክሳብ ጉንበት ኢሉ’ውን ክሳብ ሎሚ ውሽጣ ውሽጢ ፈኸም ዝብል ዘሎ 

ህዝባዊ  ተቓውሞ  ንምዕጋት  ኣብ  ዝወሰዶ  ናይ  ሓይሊ  ስጉምቲ  ድማ፣  ልዕሊ  400  ዝኾኑ 

ወገናት እንትቕተሉ፣ ልዕሊ 10 ሽሕ ዝኾኑ ድማ ተኣሲሮም እዮም። እዚ ፍፃመ እዚ ካኣ እቲ 

ስርዓት ኣንፃር ረብሓታት ህዝቢ ይስጉም ከም ዘሎ ዘረጋግፀልና ሓቂ እዩ። 

ኣብ  ክልል  ደቡብ  ዝነብር  ብሄረሰብ  ቁጫ፣  ንሕና  ጋሞ  ኣይኮናን፤  ንሕና  ወላይታ 

ኣይኮናን፣  ንሕና  ቁጫ  እዩ  መንነትና  ሕጋዊ  ኣፍሉጦ  ክወሃበና  ኣለዎ  ዝብል  ሕቶ  ኣልዒሉ 

መፅሄት ብስራት 9

 ዓመት ሕታም ቁ.24 ነሓሰ 2008 ዓ/ም 

 

ነይሩ። እቲ ስርዓት ድማ ኣብ ክንዲ ሕጋዊ መልሲ ምሃብ ነቶም መላዓዓልቲ እዮም ዝበሎም 

ሰባት ስለ ዝኣሰሮም ንሕቶኦም ክሳብ ሕዚ ዘላቒ ፍታሕ ክረኽቡ ብዘይምኽኣሎም፣ ኣብ ከቢድ 

ግጭት ኣትዮም ይርከቡ። ዝተፈላለዩ ኣካላት እቲ ጉዳይ ብዕምቆት ተራእዩ ግቡእ መልስን 

መፍትሕን  ክዋሃቦ  ከም  ዝግባእ  እኳ  እንተገለፁ፣  እቲ  ስርዓት  ግን  ክሳብ  ሕዚ  ፀማም  እዝኒ 

ሂብዎ ይርከብ። 

ኣብ  ካልኦት  ብርክት  ዝበሉ  ዞባታትን  ወረዳታትን  ዝርከቡ  ብሄረሰባት  ህዝብታት 

ደቡብ ኢትዮጵያ’ውን ዓርስና ብዓርስና ክንማሓደር ኣለና ዝብል ሕቶ ኣሎ፣ ከባቢ ሰገን ኣብ 

ዝተብሃለ ዙርያ ዘሎ ዞባ ውሽጢ ዘለው ዓሌታት ሓደ ዝኾነ ብሄረ ሰብ ኮንሶ፣ ባዕሉ ንባዕሉ 

ዝማሓደረሉ  ዞባዊ  ምምሕዳር  ክህልዎ  ኣመልኪቱ  ዘልዓሎ  ሕቶ  ዓመታት  ኣቑፂሩ  ኣሎ፣ 

እንተኾነ  ግን  እዚ’ውን  በቲ  ስርዓት  ተቐባልነት  ስለ  ዘይረኸበ  ግቡእ  መልሲ  ከይተዋሃቦ 

ተደጒሉ ዘሎ ሓደጋ እዩ። 

ክልል ኣምሓራ’ውን ተቓውሞ ዘይተፈለያ ክልል ኮይና ኢና ንረኽባ፣ ንኣብነት ኣብቲ 

ክልል ዝነብሩ 142 ዝኾኑ ጣብያታት ዓሌት ብሄረ ሰብ ቅማንት ባዕሎም ንባዕሎም ክማሓደሩ 

ክሓትዎ ዝፀንሑ ናይ መንነት ሕቶ ምልዓሎም ስዒቡ፣ ነቶም 42 ጣብያታት ጥራይ መልሲ 

ስለ  ዝተውሃቦም፣  ኣብ  ሞንጎ  ሓደ  ዓይነት  ባህልን  ልምድን  ዘለዎ  ብሄረሰብ  ከምዚ  ዓይነት 

ፈላላዪ ኣካይዳ ምኽታል ፍትሓዊ ኣይኮነን ብምባል፣ ካብ ከባብያዊ ምምሕዳር ክሳብ ክልልን 

ቤት ምኽሪ ፈደሬሽንን ሕገመንግስታዊ መሰልና ይከበረልና ኢሎም ሕቶኦም እኳ እንተቕረቡ 

ሰማዒ ኣካል ኣይረኸቡን፣ ከም ውፅኢት ናይዚ ብ30 ሕዳር 2008 ዓ/ም ኣብ ሞንጎ ኣምሓራን 

ብሄረሰብ ቅማንትን ግጭት ስለ ዝተወለዐ በቲ ስርዓት ብርክት ዝበሉ ዜጋታት ተቐቲሎምን 

ተኣሲሮምን እዮም። 

ኣብቲ ዝተልዓለ ግጭት ልዕሊ 33 ንፁሃት ዜጋታት ተቐቲሎም ብዓሰርተታት ዝቑፀሩ 

ወገናት ቆሲሎም፣ ቁፅሮም ብልክዕ ዘይተፈልጡ ካኣ ኣብቲ እዋን ክእሰሩ እንከለዉ፣ ካብ 4ተ 

ወረዳታት ጥራይ 150 ሚልዮን ብር ዝግመት ንብረት ዓንዩ እዩ።  

 

ነዚ  ስዒቡ  ድማ  ብ9  ታሕሳስ  2008  ዓ/ም  ላዕለዎት  ሰበ  ስልጣን  ብኣዴን  ንኽልቲኡ 

ህዝቢ  ኣኼባ  ዝገበርሉ  እንትኾኑ፣  ተወለድቲ  ብሄረ  ሰብ  ቅማንት  "ንሕና  መንነትና  ይፈለጥ 

ባዕልና ንባዕልና ክንመሓደር ኣለና ስለ ዝበልና ብኣዴን ኣብ ልዕሌና መጥቃዕቲ ክፍፀም ገይሩ 

እዩ"  ድሕሪ  ምባሎም  "ሕቶ  ብሄረሰብ  ቅማንት  መሊስናዮ  እትብልዎ  ንብሄረሰብ  ቅማንት 

ዝበታትን  እዩ፣  ማለት  ካብ  142  ብሄረ  ሰብ  ቅማንት  ነቶም  42  እዩ  ተመሊስሎም፣  እዚ  ድማ 

ኣፈላላይ  እዩ፣  ንምንታይ  ዘይምለሰልና  ቅማንት  ከም  ቅማንት  ነንባዕሉ  ዝበታትኽ  ዘይቅኑዕ 

ምሕደራ እዩ” ክብሉ ተቓውመኦም ገሊፆም እዮም። 

ድሕሪ  ብዙሕ  ሂወት  ሰብ  ምጥፋእን  ምእሳርን  ድማ  ሰበ-ስልጣን  እቲ  ስርዓት  “ሕገ 

መንግስትና  ዘይመለሶ  ናይ  መንነት  ሕቶ  የለን” 

ይብሉ ከም ዘይነበሩ ኣብዚ ሕዚ እዋን ሕቶኹም 

ተቐቢልናዮ ኣለና፣ ብመሰረት እዚ ድማ ኣብዝሓ 

ህዝቢ  ነዚ  ውሳነ  እንተኣሚንሉ  ብእኡ  ክንከይድ 

ኢና  ዝብል  ተገላባጢ  መርገፂ  ብምሃብ  ክሳብ 

ሕዚ  ከይተፈተሐ  ውሽጣ  ውሽጢ  እንዳቐፀለ 

ይርከብ።  ከምኡ’ውን  ኣብ  መንጎ  ትግራይን 

ኣምሓራን  ብሰንኪ  ናይ  መንነት  ሕቶ  ዝተልዓለ 

ግጭት  ዘላቒ  ፍታሕ  ስለ  ዘይተገብረሉ  ካብ  ግዜ 

ናብ  ግዜ  ፈኸም  እናበለ  ይቕፅል  ስለ  ዘሎ 

መፅሄት ብስራት 9

 ዓመት ሕታም ቁ.24 ነሓሰ 2008 ዓ/ም 

 

ዜጋታትና ብስውርን ብቕሉዕን እናተቐተሉን እናተኣሰሩን ይርከቡ።  

 

ኣብ  ክልል  ትግራይ  ዞባ  ምዕራብ  ወረዳ  ወልቃይትን  ከባቢኣን  ዝነብሩ  ተወለድቲ 

ወልቃይት፣ ብህወሓት ኢህወዴግ ካብ ዝመሓደሩ ኣትሒዞም ከልዕልዎም ካብ ዝፀንሑ ብርክት 

ዝበሉ ሕቶታት፣ ትኹረት ረኺቦም ብኣመሓደርቲ ናይቲ ክልል ይኹን ዞባ ግቡእ ምላሽ ካብ 

ዘይተውሃቦም  ዛዕባታት፣  "ብመሬትና  ተጠቀምቲ  ክንከውን  ኣይከኣልናን፤  ሰናይ  ምምሕዳር 

ዝብሃል የለን፤ ኣጀንዳታት ገዛኢ ስርዓት ክንሰምዕ እምበር ጉዳይና ሰማዒ ኣካል  ኣይረኸበን፣ 

ካብ  ዉሽጥና  ዘይወፁ  ሰባት  እዮም  ዘመሓድሩና  ዘለዉ፥  ንምንታይ  ባዕልና  ንባዕልና  ናይ 

ምምሕዳር  ሕገ  መንግስታዊ  መሰልና  ዘይኽበረልና"  ዝብሉን  ካልኦትን  እኳ  እንተኾኑ፣  ክሳብ 

ሕዚ ቆላሕ ዝብሎም መንግስታዊ ኣካል ብዘይ ምርካቦም ናይ’ቲ ሕብረተሰብ ተወከልቲ ዝኾኑ 

ዓበይቲ ዓዲ ኣብ ከባቢ ጎንደር ተኣኪቦም መሰረታዊ ፍታሕ ከምፅእ ይኽእል’ዩ ዝበልዎ ዘተ 

ክሳብ ምክያድ በፂሖም እዮም። 

ከም  ውፅኢት  ናይዚ  ድማ  ህዝቢ  ወልቃይት  ብሄርና  ኣምሓራ’ዩ  ዝብል  ናይ  መንነት 

ሕቶ ኣልዒሉ ተቓውሞ ኣካይዱ እዩ። እቲ ስርዓት ድማ ነቶም ነዚ ሕቶ ዘልዓሉ 34 ሰባት 

ብዘይንሕስያ  ቀቲልዎም፣  ልዕሊ  93  ዝኾኑ  ድማ  በብእዋኑ  ተዓፊኖም  ስለ  ዝተወስዱ  ክሳብ 

ሕዚ ሃለዋቶም ኣይፍለጥን፣ ብሰንኪ እዚ ናይ መንነት ሕቶ ብርክት ዝበሉ ዜጋታት ግፍዕታት 

ወሪድዎም  እዩ።  12  ዝኾኑ  ነበርቲ  ድማ  መንበሪ  ገዝኦምን  ናይ  ሕርሻ  መሬቶምን 

እንትሕደጉ፣ 173 ወገናት ካኣ ካብ መንበሪ ገዝኦም ተመዛቢሎም እዮም። 

ህዝቢ  ወልቃይት  ዘልዓሎ  ናይ  መንነት  ሕቶ  መሰረት  ዝገበረ  ህዝባዊ  ተቓውሞ  በዚ 

ኣየብቀዐን።  ኣብዚ  ቀረባ  እዋን’ውን  ኣብ  ከተማ  ጎንደር  ኣብ  መንጎ  ህዝብን  መሓውራት 

ስርዓት  ወያነ  ኢ.ህ.ወ.ደ.ግን  ሓያል  ጎንፂ  ተፈጢሩ’ዩ።  ብሰንኩ  ድማ  ህፃናትን  መናእሰይን 

ዝርከብዎም ልዕሊ 15 ዝኾኑ ሰላማውያን ህዝቢ ሞይቶም ብዙሓት እንትቖስሉ፣ ካብ ዓሰርተ 

ንላዕሊ  ኣባላት  ፌደራል  ፖሊስ’ውን  በቲ  ግጭት  ሞይቶም  እዮም።  እቲ  ጎንፂ  ብምኽንያት 

መንነት  ህዝቢ  ወልቃይት  ፀገዴ  ዝተበገሰ  ኮይኑ፣  እቲ  ስርዓት  ነቲ  ህዝባዊ  ሕቶ  ብሕጋዊ 

ኣገባብ  ኣብ  ክንዲ  ዝፈትሖ  ነቲ  ሕቶ  ንምጭፍላቕ  ንመራሕቲ  ናይቲ  ኮሚቴ  ዝኾኑ  ሰባት 

ንምሓዝ  ኣብ  ዝገበርዎ  ምንቅስቓስ  ንዝተወሰኑ  ስለ  ዝሓዙን  ስለ  ዝኣሰሩን  እቲ  ተቓውሞ 

ተጋዲዱ እዩ። 

ኣብ  መንጎ  ህዝቢ  ጎንደርን 

ኣባላት  መሓውር  ፀጥታ  ስርዓት  ወያነ-

ኢ.ህ.ወ.ደ.ግን 

ዝተፈጥረ 

ጎንፂ 

እናሰፍሐ  ከይዱ  ኣብዚ  ሐዚ  እዋን 

ምስቲ  ስርዓት  ቅርርብ  ኣለወን  ኣብ 

ልዕሊ  ዝበሃላ  ናይ  ንግዲ  ትካላት 

መጥቃዕትታት  ብምፍናው  ኣብ  ልዕሊ 

ሰብ  ኣሳፊራ  ብኸተማ  ጎንደር  ትሓልፍ 

ዝነበረት  ናይቲ  ስርዓት  ኣውተቡስ  ነቲ 

ተሳፊሩ ዝነበረ ህዝቢ ክወርድ ብምግባር ነታ ኣውቶቡስ ብሓዊ ክትባራዕ ገይሮምዋ እዮም። 

ብዘይካ’ዚ’ውን ካብ ሓምሽተ ንላዕሊ ናይ ፖሊስ መካይን ተቓፂለን እየን። ኣብ ከተማ ጎንደር 

ዝርከቡ  ኣባላት  ፖሊስ  ድማ  ዝኾነ  ዓይነት  ስጉምቲ  ካብ  ምውሳድ  ተቖጢቦም  ምስቲ  ህዝቢ 

ክውግኑ እዮም ተራእዮም። 

መፅሄት ብስራት 9

 ዓመት ሕታም ቁ.24 ነሓሰ 2008 ዓ/ም 

10 

 

 ምስዚ ዕግርግር’ዚ ተታሓሒዙ ኣብቲ ቦታ ናይ ዝርከቡ ሓድሓደ ተወለድቲ ትግራይ 

ዝኾኑ  ትካላት’ውን  ዝዓነዉ  ኮይኖም  ናይዚ  ተሓታቲ  ድማ  እቲ  ስርዓት’ዩ፣  ምኽንያቱ  ኣብ 

ሞንጎ ህዝብታት ዘይምትእምማንን ምጥቕቓዕን ክፍጠር ዝገብር ዘሎ ንሱ ስለ ዝኾነ። 

 

ኣብ ክልል ትግራይ ዞባ ማእኸል ዝርከብ ህዝቢ እምባሰነይቲ ን20 ዓመታት ዝኣክል 

ዘቕረቦ ናይ ወረዳና ይመለሰልና ዝብል ሕቶ ፍታሕ ክረክብ ብዘይምኽኣሉ ብኣሸሓት ዝቑፀር 

ህዝቢ ቁጥዕኡ ንምግላፅ ኣብ ከተማ ነበለት ብ16 ሚያዝያ 2008 ዓ/ም ሰለማዊ ሰልፊ ኣካይዱ 

ነይሩ። 

ንዝሓለፉ 25 ዓመታት ካብ ግልጋሎት መሰረተ ልምዓት ተገሊሉ ዝፀንሐ ብዙሕ ቑፅሪ 

ዘለዎ ህዝቢ እምባሰነይቲ ቅድም ኢሉ ኣብ ወረዳ እምባሰነይቲ ዝመሓደር ዝነበረ ኮይኑ ብዘይ 

ድልየቱ  ናብ  ወረዳ  ወርዒ  ለኸ  (ከተማ  ዕዳጋ  ዓርቢ)  ተጨፍሊቑ  ንኽመሓደር  ብምግባር 

ዝተፈላለዩ  ማሕበራውን  ቁጠባውን  ፀገማት  ስለ  ዝበፀሖ፣  ደጋጊሙ  ሕቱኡ  ንልዕሊ  20 

ዓመታት እናቕረበ ዝመፀ እኳ እንተኾነ ግቡእ ምላሽ ክረክብ ብዘይምኽኣሉ፣ ንከባቢ 60 ኪሜ 

እናተጓዓዘ  እዩ  ምምሕዳራዊ  ግልጋሎት  ዝረክብ፣  እዚ  ሕዚ  ዘልዕሎ  ዘሎ  ሕቶ  ድማ  እዚ 

ድኻም  እዚ  ክቕረፍ  ኣለዎ፤  ብቐረባ  ክንማሓደር  ናይ  ቀደም  ወረዳና  ይመለሰልና  ብምባል 

ልዕሊ 30,000 ህዝቢ ውዕዉዕ ዝኾነ ተቓውሞ ኣካይዱ እዩ። 

 

ህዝቢ እምባሰነይቲ ብዙሕ ዝሓቶ ናይ 

ግልጋሎት  መሰረተ  ልምዓት  ሕቶ  እኳ 

እንተሃለዎ  ካብ  ኩሉ  ንላዕሊ  ኣዕርዩ  ዝደልያ 

ዘሎን  ኣጥቢቑ  ዝሓታን  ግና  ጉዳይ  ወረዳ 

ትምልከት  እያ።  ወረዳ  እምባሰነይቲ  ተባሂሉ 

ክምለሰሉ እሞ ፍትሒ ኣብ ቀረብኡ ክረክብ፣ 

ባዕሉ  ንባዕሉ  ከማሓድር  ስለ  ዝብህግ  ሕትኡ 

እውን  ስልጡን  ብዝኾነ  መንገዲ  ደጋጊሙ 

ናብቲ ስርዓት ኣቕሪቡ እዩ። 

 

ነዚ  ሰልፊ  ዝተኸታተሉ  ካድረታት 

ናይቲ  ስርዓት  ግን  ሎሚ  ኣይንምልስ  ፅባሕ 

ኣይንምልስ ዕጭ ሓንፈፍና እዩ ነይሩ መልሶም፣ ከም ምኽንያት ዘቕረብዎ ድማ እተን ቅድሚ 

20 ዓመት ኣብ መላእ ትግራይ ዝነበራ 81 ወረዳታት፣ በጀት ንምቑጣብ›› ተባሂሉ ናብ 35 

ወረዳታት  ስለ  ዝተጨፍለቓ  ኣብ  መላእ  ትግራይ  ተደጒሉ  ዝፀንሐ  ተመሳሳሊ  ሕቶ  ክለዓል 

እዩ፣ ብመሰረቱ ሕቶ ህዝቢ ነበለት ልምዓታዊ ሕቶ ኣይኮነን ዝብል’ዩ። 

 

ይኹን  እምበር  መራሕቲ  ህወሓት  መሰረታውን  ፍትሓውን  ዝኾኑ  ሕቶታት  ህዝቢ 

ኣይንምልስን  ስለዘበሉ  ጥራሕ፣  ካብ  ጫፍ  ናብ  ጫፍ  ሃገርና  ዝላዓሉ  ዘለዉ  ዓርስና  ብዓርስና 

ክንማሓደር  ኣለና  ዝብሉ  ናይ  መንነት  ሕቶታት፤  ከምኡ’ውን  ናይ  መሰረተ  ልምዓትን 

መሰልን ሕቶታት ፈፂሞም ጠጠው ክብሉ ኣይኽእሉን እዮም። ኩሉ ህዝቢ ኢትዮጵያ ድማ 

ከምቲ ህዝቢ እምባሰነይቲ ዝበሎ ናይ ህዝቢ ሕቶ ዘይምልስ ውድብ “ሎሚ ኣይውድብና ፅባሕ 

ኣይውድብና  ቀፃላይ  መርገፂና  እዩ”  ብዝብል  ፅኑዕ  መርገፂ  ዝጀመሮ  ተቓውሞ  ኣጠናኺሩ 

ክቕፅለሉ ህልኽ ዘትሕዝ እዩ።